تنظيم الوقت للناس اللي عاوزة توصل لحلمها

تنظيم الوقت للناس اللي عاوزة توصل لحلمها

مش للناس خالص اللي بتحب الراحة وعاوز ياخد راحته

باذن الله هعمل فيديو كامل عن تجربتي المتواضعة

في تنظيم الوقت اللي شايف اني بضيع منه كتير جدا للاسف

لكن حاليا هنناقش مع بعض كدة اليوم بيعدي ازاي

===============================

24 ساعة

- 8 ساعات في شغلك

ولو هو تبع مجالك احتمال يكون في منهم ساعتين او اكتر للمذاكرة

- 1 ساعة مواصلات ودي احسن حاجة تذاكر فيها

- 2 ساعة بتلعب Games أو بتشوف فيلم حسب ميولك

- 2 ساعة تقعد مع اسرتك لو مش متجوز او مع اولادك لو متجوز

- 3 ساعات تذاكر فيهم تقنيات الويب الجديدة وتتعلم كل ما هو جديد

- 2 ساعة تخلص فيهم شغلك لو بتشتغل فري لانسر

- 6 ساعات للنوم ودول كفاية جدا انا بنام 4 ساعات وبكون مبسوط جدا

المجموع = 24 ساعة

مجموع ساعات المذاكرة: 4 ساعات + 2 ساعة تطبيق

===============================

ولسه عندك يومين اجازة في الاسبوع

دول هيكون فيهم ال 8 ساعات بتوع الشغل فاضيين

اول 8 ساعات هتذاكر فيهم

والتانيين تخرج تتفسح وتشوف اصحابك فيهم

===============================

مجموع الساعات الكلي لكل اسبوع

50 ساعة مذاكرة كل اسبوع مع التطبيق

يعني 200 ساعة مذاكرة كل شهر

يعني ممكن تخلص كل شهر 10 كورسات محترمين متقدمين بالتطبيق

===============================

ملحوظة الكلام دة بيختلف من شخص للتاني

في شخص مش بيشتغل يعني زود عليهم ال 8 ساعات بتوع الشغل

وفي واحد قاعد لوحده زود عليهم زيادة ساعات الجلوس مع الاسرة

في واحد ولا بيلعب جيمز ولا بيشوف أفلام هيوفر ساعات اكتر

الوقت فيه بركة كبيرة ممكن تستغلها متنساش فروض العبادة

علشان هي دي اللي هتخلي ربنا يباركلك في وقتك

===============================

باختصار غير نظرتك للوقت